Keshe túnde Anglıanyń shyǵysynda júk kóliginen 39 qytaılyqtyń máıiti tabyldy dep jazady Qamshy.kz aqparat agenttigi bbc.com saıtynyń deregin negizge alyp. Kóp uzamaı qytaılardy óltirdi degen kúdikpen Soltústik Irlandıanyń 25 jastaǵy turǵyny Mo Robınson ustaldy. 

Polısıa júk kóliginiń Bolgarıada tirkelgenin anyqtady. Degenmen júk kóligi brıtandyq araldarǵa Belgıanyń Zebbrýgge portynan Pýrflıttegi (Temza porty) Tarrok ákimshilik aýdanyna jergilikti ýaqyt boıynsha saǵat 00:30 shamasynda kelgen.

Qytaıdan zańsyz kelgen azamattardyń Brıtanıa aımaǵynda jappaı qyrylýy alǵash ret emes. 2000 jyldyń maýsymynda Dover portyndaǵy golandıalyq nómirlermen mórlengen tońazytqysh korpýsynan 58 qytaılyqtyń máıiti tabyldy. Sodan keıin tergeý jumystary kezinde qytaılyqtardy ádeıi tunshyqtyrǵany anyqtaldy. 2004 jyldyń aqpanynda da Lankashır grafstvasyna qatysqan zańsyz júrgen 23 qytaılyq sýǵa batyp qaıtys boldy.