Bul oqıǵa tájik-ózbek shekarasynda oryn aldy. Bul týraly Tájikstan Ulttyq qaýipsizdik  komıtetiniń deregine súıene otyryp, RIA Novostı aqparat agenttigi habarlady.

Túngi saǵat 3: 23 mınýt ótkende, tájik-ózbek shekarasyndaǵy №4 «Ishkobod»  zastavasyna áskerı qarýlanǵan belgisiz bireýler shabýyl jasaǵan. İshki ister jáne shekaralyq otrádtyń jaýyngerleriniń erliginiń nátıjesinde 15 sodyr jer jastanyp, taǵy beseýi qolǵa túsken. Tájikstan Ulttyq qaýipsizdik  komıtetiniń baspasóz qyzmeti habardar etkendeı, qazirgi ýaqytta olardyń kim ekendigi naqtylanýda. Betperde kıgen sodyrlarmen atystyń saldarynan bir shekarashy sarbaz ben İshki ister qyzmetiniń bir ókili qaza tapty. Bul oqıǵa Dýshanbeden 60 shaqyrym qashyqtyqtaǵy tájik-ózbek shekarasynda oryn alǵan. Tórt áskerı kólikpen kelgen sodyrlar sóıtip qolǵa tústi. Olardyń kólikteri de tárkilendi. Qazirgi ýaqytta jedel tergeý toby qurylyp, jumys isteýde.

Eskerte keteıik, tájik-aýǵan shekarasy 1300 shaqyrymǵa sozylyp jatyr. Keńes Odaǵy taraǵannan keıin eki el arasyndaǵy shekara syzyǵy keshegi kúnge deıin  naqtylanbaı keldi. Ótken jyldyń naýryz aıynda ǵana eki eldiń prezıdentteri kezdesip,  shekarany naqtylaý týraly naqty kelisimge kelgeni belgili.