Qazaqstannyń halyq jazýshysy, kórnekti aqyn jáne qoǵam qaıratkeri, Memlekettik syılyqtyń ıegeri Farıza Ońǵarsynovaǵa Nur-Sultannyń sol jaǵalaýynda kósheý ataýy berildi – dep Qamshy.kz aqparat agenttigi habarlaıdy, Elorda Infoǵa silteme jasap.

Kósheniń saltanatty ashylý lentasyn qala ákiminiń orynbasary men Farıza Ońǵarsynovanyń uly Almas Ońǵarsynov kesti.

"Búgin mine qazaqtyń dana qyzy, dara qyzy Farıza apamyzdyń atyna kóshe ataýy berilip otyr. Biz ótkendi umytpaýymyz kerek. Kóshe ataýyn berý óskeleń urpaqqa ónege bolýdyń belgisi. Farıza apamyzdyń qaı óleńin oqysańyzda ótkir, ol máseleni tiginen aıtatyn kisi. Apamyzdyń shyǵarmasy erekshe este qalatyn. Sondaı-aq, memlekettik qyzmette eńbek etip, Parlamentte óz orny boldy. Sondyqtan elordada apamyzǵa kóshe ataýyn berý jas urpaqqa tárbıe berýdiń úlgisi dep bilemin. Farıza apamyzdyń aty máńgi óshpesin, búgin kóshe ataýynan bólek biraz sharalardy ótkizý josparlanýda", – dedi qala ákiminiń orynbasary Baqtıar Máken kósheniń saltanatty ashylý rásiminde.

Sharaǵa jazýshylar, qoǵam qaıratkerli men aqynnyń jaqyn týystary qatysty.

Odan ózge  qala ákiminiń orynbasary saltanatty sharadan soń aqynnyń zıratyna baryp quran baǵyshtalatynyn aıtty.