Negizgi maqsat – ártúrli saladaǵy belsendi azamattardy anyqtaý jáne jınaqtalǵan tájirıbeni eskere otyryp, partıalyq irikteýdi ótkizý tártibin jetildirý. «Nur Otan» partıasynyń kadrlyq rezervine 800-ge jýyq úmitker tirkelgen, olardyń 30% áıelder, taǵy 30% 35 jasqa deıingi azamattar, olardyń ishinde kóp balaly analar, erekshe qajettilikteri bar adamdar da bar.

Pılottyq irikteý aıasynda úmitkerler óz baǵdarlamasymen qoǵamdyq pikirsaıystarǵa qatysady. Kelesi kezeń – partıa músheleriniń arasynda daýys berý, sonyń negizinde «Nur Otan» partıasynyń kadrlyq rezervine qabyldaý úshin eń úzdik úmtikerler tańdalady.

Sonymen, Aqmola oblysynyń Esil aýdanynda ótken partıalyq rezervke úmitkerlerdiń aýyl turǵyndarymen kezdesýinde jumys oryndaryn qurý, sýmen jabdyqtaý jelisi jáne Internettiń baıaýlyǵy jaıyndaǵy suraqtar kóterildi. Qyzylorda oblysynyń Syrdarıa aýdanynda partıa músheleri balalarǵa arnalǵan sport alańdary men damytý ortalyqtarynyń jetispeýshiligin sheshýge nıettenip otyr. Shyǵys Qazaqstan oblysynyń Besqaraǵaı aýdanynda úmitkerler joldardy jóndeý jáne aýyldardaǵy kásipkerlikti damytý taqyrybyna toqtaldy. Mańǵystaý oblysynyń Munaıly aýdanynda mektepterdegi oqýshylarǵa orynnyń jetispeýshiligi, kitaphanalar ashý jáne aýyl turǵyndarynyń deńgeıin kóterý týraly suraqtar kóterildi.

Aıta ketý kerek, úmitkerlerdiń ishinde aýylsharýashylyq salasynyń ókilderi, qoǵam belsendileri, aýyl mektepteriniń muǵalimderi, dárigerler, mádenıet qaıratkerleri, kásipkerler jáne t.b. bar. Qaraǵandy oblysyndaǵy belsendi úmitkerlerdiń biri – Abaı aýdanynyń turǵyny Elena Sýtágına boldy.

«Men qyzmetimdi mektepte fızıka-matematıka muǵalimi bolyp bastadym. Keıin áıelderdi túzeý mekemesiniń dırektory bolyp uzaq ýaqyt istedim. Taǵdyry tálkekke ushyraǵan talaı qyzdyń basyndaǵy qıyn jaǵdaıdy kózimmen kórdim. Bireýleriniń ata-analary joq, al bireýlerge durys kóńil bólinip, jaqsy tárbıe berilmegen. Adam taǵdyryna áser etetin kóptegen aspektiler bar, olardyń ishindegi eń mańyzdysy – otbasy. Otbasynyń jaınap, gúldenýi úshin mańyzdy birneshe sharttar bar. Adam jumystan kelgende mektepte oqıtyn balalary saǵynyp kútip otyratyn jyly úıi bolsa, keshkisin olarmen saıabaqqa qydyrýǵa shyqsa, mine – ómir súrýge jasalǵan qolaıly jaǵdaı degen osy. Meniń oıymsha, «Nur Otan» partıasy – osy jaǵdaılardyń sheshimin taba alatyn basty qural. Ómirimizdi jaqsy jaqqa birge ózgerteıik», - dedi ol.

Óz kezeginde partıalyq kadr rezerviniń taǵy bir úmitkeri Tatána Tıtovskaıa «Nur Otan» partıasy belsendi azamattardyń oıyn aıta alýy úshin óz alańyn usynǵanyna rızashylyǵyn bildirdi.

«Keıbireýler bizde barlyǵy jaman deıdi. Olaı bolsa, jaqsartaıyq. Barlyǵy iske alǵysyz ba? Kelińiz, durystaıyq! Osylardy aıtý úshin partıa bizge alań usynyp otyr. Ol úshin partıalyq kadr rezervine úmitkerler tańdap jatyr. Biz Abaı aýdanynyń alys aýyldarynyń turǵyndarymen ondaǵan kezdesýler ótkizip úlgerdik. Jurtty tyńdap, olardy alańdatqan máselelerdi bildik. Partıanyń qoldaýymen biz olardyń sheshimin tabamyz», - dep atap ótti Tatána Tıtovskaıa.