Tarazdaǵy jaǵa ustatarlyq jaǵdaıdan soń mektep dırektory, dırektordyń orynbasary, muǵalimi men vahter jumystan bostyldy, dep jazady Qamshy.kz aqparat agenttigi. 

Eske sala ketsek, keshe 12 jastaǵy jasóspirimniń mektep ájethanasynda zorlanǵany anyqtaldy. Kúdikti barlyq beınebaqylaý kameralarynan anyq kórinip turǵan. Alaıda emin-erkin júrgen pedofılge eshkim mán bermegen. 

Bilim jáne ǵylym mınıstrligi balalarǵa qatysty zorlyq-zombylyqtyń kóbeıýine alańdaýshylyq bildirdi. Quqyq qorǵaý organdary atalǵan fakti boıynsha tergeý sharalaryn júrgizýde.

Bilim berý uıymynyń basshysy oqý prosesi kezinde stýdentterdiń, oqýshylar men bilim berý uıymynyń qyzmetkerleriniń ómiri men densaýlyǵyna jaýap beretindigi atap ótildi.

"Osyǵan baılanysty mektep dırektory, dırektordyń tárbıe isi jónindegi orynbasary, fızıka pániniń muǵalimi jáne kúzet bilim salasyndaǵy jergilikti ýákiletti organnyń sheshimimen qyzmetinen bosatyldy. Mınıstr Jambyl oblysynyń bilim basqarmasyna zardap shekken oqýshyǵa psıhologıalyq kómek kórsetý úshin shuǵyl sharalar qabyldaýdy tapsyrdy, úıde jeke oqytý uıymdastyryldy", - dep habarlady Bilim jáne ǵylym mınıstriniń keńesshisi Erbolat Muhamedjanov. 

Jábirlenýshi kúdiktini tanyp otyr. Qazirgi ýaqytta ol ýaqytsha ustaý ızolátoryna qamaldy. 38 jastaǵy kúdikti buryn urlyq úshin sottalǵan.