Balalar ombýdsmeni Arýjan Saın Tarazdaǵy mektepte 12 jasar oqýshyny zorlaý oqıǵasyna qatysty pikir bildirdi dep jazady Qamshy.kz aqparat agenttigi. 

"Bul eshqashan umytylmaıtyn sumdyq. Bir jaǵynan, mundaı qylmystar kópshilikke jarıa etilýi kerek, biraq sizge zorlyq-zombylyq jasaýshylardyń aty-jónderin, fotosýretterin jarıalaý kerek shyǵar, áıtpese báribir olar osy qupıalylyqpen qorǵalǵan sıaqty. Balalarǵa qatysty zorlyq-zombylyq týraly maqalalar, sottalǵandar týraly materıaldardyń barlyǵy aty-jónsiz, tipti fotosýrettersiz jarıalanady. Bul qylmyskerlerdiń «men jalǵyz emespin, muny menen basqalar da istep júr ǵoı» dep oılaýyn sebep bolady. Muny sózben jetkizý múmkin emes. Qylmysker jazalanǵanymen balalardyń kórgen qorlyǵy men azabyn umyttyra almaıdy", - dep jazdy Arýjan Saın óziniń feısbýk paraqshasyna. 

Eske sala ketsek, keshe 12 jastaǵy jasópirimniń mektep ájethanasynda zorlanǵany anyqtaldy. Kúdikti barlyq beınebaqylaý kameralarynan anyq kórinip turǵan. Alaıda emin-erkin júrgen pedofılge eshkim mán bermegen.