Qostanaıda qoqys konteınerinen jańa týǵan shaqalaqtyń denesi tabyldy. Bul týraly oblystyq polısıa departamentiniń baspasóz qyzmeti málim etti, – dep Qamshy.kz aqparat agenttigi habarlaıdy.
Vedomstvonyń málimdeýinshe, 23 qarasha kúni "102" púltine Áýejaı shaǵyn aýdanyndaǵy konteınerlerdiń birinde jańa týǵan náresteniń óli kúıde tabylǵany týraly habarlama túsken.
"Oqıǵa ornyna múddeli qyzmetter men polısıa departamentiniń basshylyǵy shyqty. Bala óli tabyldy. Qazir osy fakti boıynsha sotqa deıingi tergeý júrgizilýde. Balanyń anasyn, sondaı-aq bolǵan oqıǵanyń barlyq mán-jaılaryn anyqtaýǵa baǵyttalǵan jedel-izdestirý sharalary bastaldy. Polısıa qyzmetkerleri jaqyn mańdaǵy úılerge baryp, saýalnama alady, kýágerler izdestiriledi", – deıdi polısıa departmenti.
Shaqalaqtyń ólim sebebi men ýaqyty taǵaıyndalǵan sot-medısınalyq saraptama kezinde anyqtalatyn bolady.
Qazirgi tańdy izdestirý jumystaryna kınologtar da tartyldy. Bul qylmystyq is polısıa departamenti men oblys prokýratýrasy basshylyǵynyń baqylaýyna alyndy.
