Bul týraly «Qamshy.kz» aqparat agentigi RIA Novostı aqparat agentigine silteme jasap habarlaıdy.

 "2018 jyly Merkel hanym "Soltústik aǵyn - 2" gaz qubyrynyń taza Germanıa men Reseı arasyndaǵy ekonomıkalyq joba ekenin jáne oǵan Eýropalyq odaq zańnamasynyń júrmeıtinen jetkizgen. Endi, AQSH ony ózderi turaqsyzdyq ornatqan Ýkraına máselesimen baılanystyryp qoıdy. Federaldyq úkimet Amerıkanyń qysym jasaýymen osy ekonomıkalyq shabýylǵa kónip, kapıtýlásıa (tize búgý, moıyn usyný – red.) jasady", – dedi Shteffen Kotre.

Bir sózben aıtqanda, depýtat federaldyq úkimetke AQSH-tyń qysym jasap otyrǵanyn, al mundaı sátte Merkel úkimetiniń Germanıa múddesin qorǵaýǵa qaýqarsyz ekenin aıtady.  

Aıta keteıik, "Soltústik aǵyn - 2"  jobasy aıasynda gaz qubyrynyń eki jelisin tartý josparlanǵan. Ol arqyly jylyna 55 mlrd tekshemetr gazdy Reseıden Baltyq teńizi arqyly Germanıaǵa tasymaldaýǵa bolady. Gaz qubyry aýmaqtyq sý, ıaǵnı Reseı, Fınlándıa, Shvesıa, Danıa men Germanıanyń ekonomıkalyq aımaqtary arqyly ótedi. Ýkraına "Soltústik aǵyn - 2" jobasyna qarsy. Sebebi, bulaı bolǵanda reseılik gaz tranzıtinen túsetin paıda azaıady.