Bul týraly Abaıtanýshy ǵalym Omar Jáleluly «Jetisý» telearnasyna bergen suhbattarynyń birinde aıtty dep habarlaıdy «Qamshy.kz» aqparat agentigi.   

Atalǵan suhbatta ol táýelsizdikti ózinen ózi berildi dep oılaý bizdiń eń úlken qateligimiz ekenin atap ótip, osydan kelip ulttyq enjarlyq, ulttyq apatıa – «sen tımeseń, men tıme, badyraq kóz» degen nemquraılylyq shyǵatynyn jetkizdi.

– Qazir bizde shyrshalar ilip bastady, bul quldyq sananyń belgisi. Táýelsizdikten biz Isa paıǵambardyń týǵan kúnin joǵary qoıyp otyrmyz. Táýelsizdik degen bizdiń ulttyń sanasynda. Halyq ony qalaıdy. Biraq bizdiń otarsyzdanbaǵan memleketimiz, bıligimizdiń soǵan mıy jetpeı otyr, – deıdi Omar Jáleluly.

Sonymen birge, suhbat berýshi otarlyqtyń ýy etinde emes súıeginde, súıeginde emes jadynda jatqan Qazaqstannyń álige onyń saldarymen kúresip kele jatqanyn aıtady. Al onyń túp tamyry – sebebi týraly taldaý jasap, sol negizde júıeli jumys istep jatqan úkimet joq ekeni sizge de belgili bolsa kerek.

 Aıtpaqshy, ǵalym atalǵan suhbatynda "16 jeltoqsan  –  jeltoqsan kóterilisinde qurban bolǵan bozdaqtardy eske alý kúni bolý kerek"  dep atap ótken.