Jańadan taǵaıyndalǵan energetıka mınıstri Nurlan Noǵaev elordada jýrnalıserdiń suraǵyna jaýap berdi dep jazady Qamshy.kz aqparat agenttigi. 

Atyraý oblysynyń burynǵy ákimi mınıstrliktegi áriptesterimen áli tanyspaǵanyn jáne jeke kabınetine áli kirmegenin aıtty. Jýrnalıser 2016 jylǵy Atyraýda bolǵan mıtıńidegi Nurlan Noǵaevtyń Maks Boqaev pen Talǵat Aıanǵa bergen ýádesin eske túsirip, suraq qoıdy.

"Men Talǵat Aıan men Maks Boqaevqa bergen ýádemdi oryndadym. Men  mıtıń materıaldary boıynsha olar qylmystyq qýdalaýǵa ushyramaıtynyn aıttym jáne sózimde turdym.  Olar  Qylmystyq kodekstiń basqa baby boıynsha jaýapqa tartyldy", - dedi Noǵaev. 

Keshe, 18 jeltoqsanda prezıdent Qasym-Jomart Toqaevtyń jarlyǵymen Nurlan Noǵaev Atyraý oblysy ákimi qyzmetinen bosatylyp, energıtıka mınıtri bolyp taǵaıyndaldy. 

Noǵaev 2016 jyldyń naýryzynan beri Atyraý oblysy ákimi qyzmetin atqardy. Ol ákim bolyp taǵaıyndalǵan soń birneshe aıdan keıin Atyraýda halyq jerge qatysty mıtıńige shyǵyp, bılikten jerdi sheteldikterge jalǵa berýge qarsy bolǵan. Noǵaev sol kezde narazylarmen kezdesip, "mıtıńige qatysqandar qýdalanbaıdy" dep sendirgen. Biraq keıin Atyraýdaǵy jer mıtıńisine qatysqan Maks Boqaev pen Talǵat Aıan "jalǵan aqparat taratty", "arazdyq qozdyrdy" degen aıyppen sottalǵan. Aıan shartty jazamen bosap shyqsa, Boqaev áli qamaýda otyr.