Belgili bolǵandaı, mundaı sheshim kezekti kongreste shyǵarylǵan. Oǵan álemniń 27 elinen Qazaq kúresi sportynyń ókilderi qatysqan. Jıynyń kún tártibindegi basty másele de  federasıa basshysyn saılaý.

Nátıjesinde, otyzǵa tarta memleket ókiliniń bir aýyzdan bergen daýysymen atalǵan uıym prezıdenti bolyp Alık Shpekbaev taǵaıyndaldy. Al federasıanyń «Qurmetti prezıdenti» retinde Dosqan Joljaqsynov, birinshi vıse-prezıdenti retinde Bádelhan Kamalhanuly saılandy.

Osylaısha, óziniń eńbek jolyn aýylda qarapaıym slesar bolyp bastaǵan, sońǵy ýaqyt enshisinde Qazaqstandaǵy jemsaýy jýan toppen kúresip kelgen A. Shpekbaev endi dúnıejúzilik Qazaq kúresine basshylyq etpekshi.

Atap óteıik, Alık Shpekbaev 1987 jyly KSRO İİM Qaraǵandy joǵary mektebin, 1993 jyly RF İİM Akademıasyn bitirgen. Zań ǵylymdarynyń kandıdaty. Óziniń eńbek jolyn Almaty oblysy boıynsha Kamenka aýylynda slesar bolyp bastaǵan. Qaskeleń aýdandyq İİB Kamenka aýyldyq mılısıa bóliminiń bastyǵy, Almaty oblysy boıynsha İİB bastyǵy qyzmetterin atqarǵan. 2003-2008 jyldar aralyǵynda Qazaqstan Respýblıkasynyń ishki ister vıse-mınıstri boldy. 2014-2015 jyldary Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetin atqardy. 2017 jyldan beri agenttiktiń tóraǵasy boldy.