Endi sol lepti lepesti oqyp kórińiz: «Toqaev jáne ázirge jas Ahmetovtan basqalary belgili bir deńgeıde barlyǵyna tonaýǵa múmkindik berdińiz» deıdi hatta. Osydan on neshe jyl burynǵy sóz bolsa da dál búgin ondyqta tur. Iaǵnı, Zamanbek marqum Qalabaıuly ataǵan «tonamaǵan» ekeýdiń biri – Serik Ahmetov taǵdyry ámbege taǵy aıan. Al Toqaev – taqta. Prezıdent búgin.

Baqsańyz, ekeýinen basqalarynyń "barlyǵyna tonaýǵa múmkindik berdińiz" dep tur. Ózi de osy shyndyqtan soń opat bolǵan Zamanbek. Múmkin, sol abzasty tolyǵymen taýsap kórseńiz, «toqqa» túsirer me edi sizdi. Ony da oqyp kórińiz. Qaz qalpynda:

«Iá bizdiń negizgi zańymyz – Konstıtýsıa – jetildirýdi qajet etedi. 12 jyl jas memleketti qurý jolynda 7 úkimet aýysty. Toqaev jáne ázirge jas Ahmetovtan basqalary belgili bir deńgeıde barlyǵyna tonaýǵa múmkindik berdińiz. Keıin olar sizben teńeskisi kelgen kezde, (moraldyq zańdy qurtqan Qajygeldınnen basqasy) olarǵa Otanynyń, týǵan eliniń esigin jaýyp tastadyńyz. Eshbir basqa elde eks-premerdi bosatarda onyń búdjetti shyǵyndaýy, qyzmetin jeke maqsatynda paıdalanǵan-paıdalanbaǵanyn tekserip, durys baǵasyn berýge tyryspadyńyz. Bul ótirik pe?» (Asqat Sháripjanov."Juma-Taıms. DAT". 2005 j.)

Mine, bul Zamanbek Nurqadilovtyń Nursultan Nazarbaevqa jazǵan ashyq hatynyń qysqa tilkimi. Tildeı ǵana. Dál búgingi kúnniń "barometry" ispetti...

Taqyrypqa tuzdyq

Osy hat qaıyra jarıalanǵan «Feısbýk» jelisinde taǵy bir ótiriktiń beti ashyldy. Bul týraly «DAT» medıa jobasynyń jetekshisi Ermurat Bapı aıtty. Biz bul shyndyqtan da attap óte almadyq. Qysqasha mátin tómendegideı:

«Zamanbektiń qazasynan 5 aı buryn «DAT»-tyń jýrnalısi Asqat Sháripjanovti óltirip ketti. Polısıanyń resmı deregi boıynsha, «avtomashına qaǵyp ketken»... Al «DAT»-tyń jýrnalıseri anyqtaǵandaı, Asqattyń tóbesinen beısbol bıtasymen uryp, sodan keıin shala-jansar jatqan jigitti jol ústine tastap ketken».