"Iran Islam memleketiniń daýysy" (IRIB) atty memlekettik teleradıokompanıasynyń jýrnalıseri óz erkimen jumystan shyǵýda dep jazady Qamshy.kz aqparat agenttigi The Guardian saıtynyń deregin negizge alyp. Jýrnalıserdiń jumystan ketýine Irannyń ýkraınalyq ushaqty abaısyzda atyp túsirgeni sebep bolǵan. 

Djelare Djabbarı esimdi jýrnalıs halyqtan keshirim surap, óz erkimen jumystan ketken. 

"Men halqymyzdy óltirdi degenge uzaq ýaqyt boıy sene almaı júrdim. Bul qıynǵa soqty. Men muny kesh túsindim. Meni keshirińizder. Sondaı-aq 13 jyl boıy aldaǵanym úshin de basymdy ıip keshirim suraımyn", - dedi ırandyq jýrnalıs. 

Sonymen qatar, DJelare Djabbarıden bólek taǵy 2 jýrnalıs halyqtan keshirim surady. 

"Maǵan senim artqandaryńyz úshin alǵysym sheksiz. Men endi televıdenıege qaıta oralmaımyn. Eshqashan! Meni keshirińizder" , - IRIB jýrnalısi Zahra Hatamı. 

"Jýrnalısik tájirıbem kezinde qoldaý bildirip, senim artqandaryńyz úshin raqmet. Men radıo jáne televızıadaǵy 21 jyldyq tájirıbem bola tura, óz jumysymdy jalǵastyra almaıtynymdy málimdeımin. Meniń qolymnan kelmeıdi" , - dep málimdedi Saba Rad. 

Memlekettik teleradıokompanıalaryndaǵy jýrnalıserdiń bul málimdemeleri Iran sheneýnikteriniń áýeli Boeing 737 Ýkraınanyń halyqaralyq áýe joldarynyń apatyna qatysýyn joqqa shyǵarýmen baılanysty.  Tipti osy oqıǵadan keıin halyq ta narazylyq bildirip, kóshege shyǵyp jatyr.