Búgin Reseı Federasıasynyń prezıdenti Vladımır Pýtın federaldyq jıyn (parlament) aldynda úndeý tastap, bıliktiń jańa konfıgýrasıasyn jasaýdy usyndy. Artynsha, premer-mınıstr Dmıtrıı Medvedev óziniń jáne úkimettiń doǵarysqa ketetinin málim etti, dep jazady rbc.ru saıty.

Medvedev mundaı sheshimge kelý sebebin "prezıdentke bastamasyn júzege asyrýyna barlyq múmkindikti bergim keledi" dep túsindirdi.

Prezıdent úkimet doǵarysyn qabyldap, mınıstrler kabınetine alǵys aıta otyryp, jańa kabınet jasaqtalǵanǵa deıin qyzmetterin atqara turýyn surady. El  konstıtýsıasyna saı, prezıdent úkimettiń jańa quramyn eki apta ishinde jasaqtaýy tıis.

Pýtın Medvedevke áli paıda bolmaǵan laýazym - Qaýipsizdik keńesi tóraǵasynyń orynbasy, ıaǵnı óziniń orynbasary bolýdy usyndy. Al premer-mınıstr qyzmetine federaldyq salyq qyzmetiniń basshysy Mıhaıl Mýshýstınniń úmitkerligin usyndy. Sońǵysy úmitkerlikke qarsylyq bildirgen joq.

Memlekettik dýma Mýshýstınniń kandıdatýrasyn erteń qarastyrady.