Ózbekstan úkimeti tolyq quramda eldiń jańa Olıı Majlısi (parlament) aldynda óz ókildigin toqtatty. Bul týraly Ózbekstannyń Uza.uz saıty habarlady. 

Saıttyń jazýynsha, parlamenttiń tómengi zań shyǵarý palatasynyń birinshi otyrysynyń qorytyndysy boıynsha, Ózbekstan úkimetiniń óz ókildigin toqtatyny týraly ótinishi qabyldandy. 

Ózbekstan Konstıtýsıasyna sáıkes, úkimet kabmınniń jańa quramy qurylǵanǵa deıin óz jumysyn jalǵastyrady. Sonymen qatar parlament búgin, 21 qańtarda ótetin eki palatanyń birlesken otyrysynda jańa premerdiń kandıdatýrasyn qaraıdy. 

Ózbekstan Konstıtýsıasyna sáıkes, premerdiń kandıdatýrasyn parlamenttiń zań shyǵarýshy (tómengi) palatasynda eń kóp depýtattyq oryn jınaǵan partıa usynady. 2019 jyldyń 22 jeltoqsanynda bolǵan saılaý qorytyndysy boıynsha Ózbekstan lıberaldyq-demokratıalyq partıasy eń kóp oryn - 53 depýtattyq oryn alǵan bolatyn.

Buǵan deıin Reseıde de úkimet otstavkaǵa ketken edi.