Erlan Orazbaıdyń Qazaqstan prezıdenti is basqarýshysynyń orynbasary qyzmetine taǵaıyndalýy áleýmettik jelide qyzý talqyǵa tústi, dep jazady Qamshy.kz aqparat agenttigi. 

Bul taǵaıyndaý 2019 jyly 26-jeltoqsanynda bolǵan.  

Kópshilik Erlan Orazbaıdyń joǵary laýazymǵa taǵaıyndalǵanyna tańǵaldy. Sebebi ol 2002 jyly prezıdentiń isin basqarýǵa arnalǵan asqanada daıashy bolyp qyzmet etken. Sondaı-aq bul onyń alǵashqy qyzmeti bolǵan.

Orazbaı Erlan Saparuly 1979 jyly 13 qarashada Ózbekstannyń Tashkent oblysynda dúnıege kelgen. 

2011 jyly "Turan Astana" ýnıversıtetin. 2016 jyly Qazaq tehnologıa jáne  bıznes ýnıversıtetin bitirdi. Ekonomıka jáne bıznes magıstri dárejesin aldy. 

Eńbek jolyn 2002 jyly Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK-syna qarasty "Saltanat Saraıy" qabyldaý úıinde daıashy bolyp bastaıdy.

2004-2005 jyldary Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK-synyń №1 asqanasynda daıashy;

2005-2012 jyldary Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK-syna qarasty "Akorda" asqanasynda daıashy;

2012-2013 jyldary Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK-synyń №1 asqanasynda bas daıashy, Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK-syna qarasty  "Qyzyljar" rezıdensıasynda bas daıashy;

2013 – 2017 jyldary - Qazaqstan Respýblıkasy prezıdenti is basqarmasynyń "Qaraótkel" RMK dırektory; 

2017-2019 jyldary - Qazaqstan Respýblıkasy prezıdenti is basqarmasynyń "Memlekettik rezıdensıalar dıreksıasy" RMK dırektorynyń orynbasary;

2019 jyly 26 jeltoqsannan bastap Qazaqstan prezıdenti is basqarýshysynyń orynbasary qyzmetine taǵaıyndaldy.