Bul týraly "Qamshy.kz aqparat agenttigi mınıstrliktiń baspasóz qyzmeti deregin negizge alyp habarlaıdy.
«Dınara Sheglova 1982 jyly Semeı qalasynda týǵan. 2004 jyly Gýmılev atyndaǵy Eýrazıa ulttyq ýnıversıtetin «halyqaralyq quqyq» mamandyǵy boıynsha, al 2007 jyly Qazaq ekonomıka, qarjy jáne halyqaralyq saýda ýnıversıtetin «menedjment» mamandyǵy boıynsha, 2011 jyly Qazaq ekonomıka, qarjy jáne halyqaralyq saýda ýnıversıtetin «aqparattyq júıeler» mamandyǵy boıynsha bitirgen», delingen habarlamada.
Dınara Sheglova 2004-2006 jyldary Qazaqstan Respýblıkasy Aqparat jáne baılanys agenttiginiń jobalardy basqarý bóliminiń bas mamany bolyp jumys istedi.
2011 jylǵa deıingi aralyqta komersıalyq salalarda eńbek etti.
2011 jyldan bastap «Zerde» ulttyq ınfokommýnıkasıalyq holdıńi» AQ-da Infraqurylymdyq jobalar monıtorıńi departamentiniń bas menedjeri qyzmetinde isteı bastady, keıinnen Servıstik aqparattandyrý modeli departamentiniń dırektory laýazymyna aýystyryldy. 2017 jyly «Zerde» ulttyq ınfokommýnıkasıalyq holdıńi» AQ basqarýshy dırektory qyzmetine taǵaıyndaldy, keıinnen holdıńtiń basqarma tóraǵasynyń orynbasary laýazymyn atqardy.
2018-2019 jyldary Qazaqstan Respýblıkasy aqparat jáne komýnıkasıalar vıse-mınıstri bolyp eńbek etti.
2019 jyldan qazirge deıin Qazaqstan Respýblıkasy Premer-Mınıstriniń keńesshisi qyzmetin atqardy.
Pikir qaldyrý