Bul týraly Qamshy.kz aqparat agenttigi SQO Tótenshe jaǵdaılar departamenti baspasóz qyzmeti deregine súıene otyryp habarlaıdy.

SQO Tótenshe jaǵdaılar departamenti baspasóz qyzmetiniń málimetinshe, bıylǵy meteorologıalyq boljam jáne ylǵal qoryn taldaý alda sý tasqyny qaýpi bar ekendigin kórsetken.

Óńirde úsh myńnan astam ózen-kól bar. Al olardyń mejeli mólsherden artyq tolýy men arnasynan asýy oblysta 100-ge jýyq eldi mekendi sý shaıýyna alyp kelýi yqtyımal.

Sondyqtan aımaqta qazirdiń ózinde apattyń aldyn alý maqsatynda keshendi is-sharalar qolǵa alynǵan. Máselen,  saqtyq maqsatynda QR Ulttyq ulany 6637 áskerı bóliminen 60 adam men 4 tehnıka bólinedi. Osy rette kúsh qurylymynyń ázirligin pysyqtaý maqsatynda oqý-jattyǵý sharasy da ótken. 

Sonymen birge, sý tasqynymen kúreste jedel áreket etý maqsatynda TJD tarapynan oblys aýmaǵynda quramynda shamamen 500-ge jýyq adam jáne 155 tehnıka, 8 júzý quraly, sondaı-aq, 72 motopompa bar ishki ister organdary arasynan arnaıy top quryldy.

Al jergilikti atqarýshy organdar tarapynan bul jumystarǵa 1619 adam, 1163 tehnıka, onyń ishinde 299 sý sorǵysh tehnıka, 109 aýyr ınjenerlik tehnıka jáne 83 júzý quraly daıyndalǵan. Janarmaı jáne ınertti materıaldar, qaptar ázirlengen.

Aıtpaqshy, byltyr osy ýaqyttarda BAQ-ta 92 eldi mekendi sý shaıý qaýpi bar ekeni aıtylǵan.