Bul týraly QR Aqparat jáne qoǵamdyq damý mınıstri Dáýren Abaev Almatyda ótken azamattyq qoǵammen kezdesýde aıtty.

Basqosýda mınıstr «Qazaqstan Respýblıkasynda beıbit jınalystar, mıtıńiler, sherýler, pıketter jáne demonstrasıalar uıymdastyrý men ótkizý tártibi týraly» zańy týraly aıta otyryp, beıbit jınalystar týraly zańǵa ózgeris engizgennen jańasyn qabyldaǵan jeńil ekenin atap ótti. 

– Men birinshi kezekte bul jerge sizderdi tyńdaý úshin keldim. Sosyn suraqtaryńyzǵa jaýap berip, pikirlerińizdi tyńdaǵym keldi. Eki sózben aıtqanda, 1995 jyly qabyldanǵan zańǵa ózgeris engizsek pe dep oıladyq. Biraq, talqylaý men taldaý kezinde ózgeris engizgenshe jańa zań qabyldaǵan durys ekeni anyqtaldy. Naqty ózgeris engizý múmkin bolmaı shyqty. Jańa konseptýaldy zań qabyldaý kerek, – dedi Dáýren Abaev.

Onyń aıtýynsha, jańa zańda uıymdastyrýshylardyń, jýrnalıser men qatysýshylardyń quqyǵy men mindetteriniń mártebesi aıqyndalǵan. Sonymen qatar, memlekettik organdardyń ýákilettiligi de bekitilgen.

Budan bólek, mıtıń ótetin arnaıy oryndar men mıtıń ótkizý tártibin habarlandyrý erejesi belgilenip otyr. Ótinishterdi qaraý tetiginde de ózgeshelik bar ekeni aıta otyryp, jınalǵan kópshilikke bul zańnyń salmaqty ekendigin aıtýdy da umytpady.

– Bizdiń aıtpaq bolǵan barlyq novelalarymyz jaıly sizder bilesizder. Osy arada otyrǵan áriptesterimizdiń kópshiligi bul zańnyń óte salmaqty ekendigimen kelisedi. Beıbit jınalystar týraly jańa ózgerister engiziledi, – dedi mınıstr.