Demokratıalyq partıanyń Jańaózen qalasyndaǵy belsendisi Murat Jumaǵazıevtiń kóligin belgisiz adamdar órtep ketken dep jazady Qamshy.kz aqparat agenttigi.  Partıa jetekshisi Janbolat Mamaı da óńirdegi belsendilerge qysym jasalyp jatqanyn óziniń facebook paraqshasy arqyly habarlady. 

Janbolat Mamaı Muratbaı Jumaǵazıev Demokratıalyq partıanyń bastamashyl toby músheleriniń sezine saparyn uıymdastyrǵanyn jazǵan. 

"Búgin túngi saǵat 01:00-de belgisiz bireý Jańaózen qalasynan jańadan qurylǵan Demokratıalyq partıanyń belsendisi Muratbaı Jumaǵalıevtiń kóligin órtedi. Buǵan deıin ol ózin belgisiz adamdardyń ańdyp júrgenin habarlaǵan. Tipti ózin ańdyp júrgen polısıa qyzmetkerleriniń kóligin sýretke túsirip, áleýmettik jelige jarıalady. Onyń aıtýynsha, bul oqıǵanyń artynda úkimet tur. Bılik 22 aqpanda Almatyda bolatyn Demokratıalyq partıanyń aldaǵy sezine qatysýǵa kedergi jasady", - dep jazdy Janbolat Mamaı. 

"Qurmetti qazaqstandyqtar, biz kesheden beri Demokratıalyq partıanyń 22 aqpanda ótetin sezine daıyndalyp jatqan edik. Biz – Jańaózen qalasyndaǵy belsendilermiz. Búgin túnde meniń kóligimdi órtep ketti. Shirik júıeniń isi dep bilemin. Úkimetimizdiń syı-qurmeti osy boldy. Jańaózendegi belsendilerdiń bárine qysym jasalyp jatyr. Eń sońynda kúshteri jetpegen soń osyndaı is-árketke kóshti. Masqara!", - dedi Muratbaı Jumaǵazıev.