"Dempartıa" qurýǵa yntaly bastamashyl top jetekshisi, opozısıadaǵy belsendi Janbolat Mamaı  azamattardy 22 aqpan kúni Almatydaǵy "Astana" alańyna kelýge shaqyrdy. Bul týraly ol óziniń Facebook jáne Youtube jelisindegi paraqshalarynda habarlady. 

"Saıası tutqyndardy bosatýdy, saıası reformalar júrgizýdi jáne Qordaıda bolǵan qaqtyǵysty obektıvti zertteýdi talap etetin mıtıńi Almaty qalasynda 22 aqpan kúni saǵat 11:00-de «Astana» alańynda (Tóle bı men Abylaı han kósheleriniń qıylysy) ótedi. Barlyǵymyz bir judyryq bolyp, mıtıńige shyǵaıyq, aǵaıyn!" dep jazdy Mamaı Facebook paraqshasynda. 

Mamaı aldaǵy ýaqytta partıanyń sıezin qaıta belgileıtinderin de málimdedi.

"Bizdiń qolymyzdy bir myńnan astam adamnyń tizimi daıyn tur. Mıtıńiden soń sol tizimdi qaıtadan Ádilet mınıstrligine tapsyryp, Demokratıalyq partıanyń sezin qaıta belgileımiz. Osy joly halyq kóp shyǵyp, jan jaqtan bul bılikti qyspaqqa alsaq, mundaı arandatýlar endi qaıtalanbaıdy dep sanaımyn! Bul talapty bılikke ashyq qoıý kerek!" dedi Mamaı. 

Keshe, 19 aqpanda Mamaı bastaǵan "Dempartıa" ókilderi 22 aqpanǵa josparlanǵan quryltaı sıez ótpeıtinin, onyń ornyna sol kúni mıtıńige shyǵatynyn aıtqan edi.