Bilim jáne ǵylym mınıstri Asqat Aımaǵambetov memlekettik ýnıversıtetterde jyl saıyn ótkiziletin ártúrli forýmdar men tıimsiz is-sharalarǵa jumsalatyn shyǵyndardy azaıtýdy tapsyrdy. 

– Memlekettik ýnıversıtetter tıimsiz shyǵyndardy qaıta qaraýy tıis. Ártúrli tıimsiz forýmdardy, sharalardy qysqartý kerek. Prezıdent qańtar aıynda úkimettiń keńeıtilgen otyrysynda osyndaı tapsyrma bergen bolatyn. Bul tek mınıstrliktiń apparatyna qatysty emes, kvazımemlekettik mekemelerge de qatysty, – dedi Aımaǵambetov.

Sonymen qatar ol joǵary oqý oryndary oqytýshylarynyń jalaqysynyń tómendigin aıtyp, 25 joǵary oqý oryndarynda  jalaqy 20-dan 50% - ǵa deıin kóbeıedi dep atap ótti.

– JOO oqytýshylarynyń jalaqysy tómen. Sondyqtan, 2020-2025 jyldarǵa arnalǵan bilim men ǵylymdy damytýdyń memlekettik baǵdarlamasy sheńberinde memlekettik granttardyń quny osy jyldyń qyrkúıeginen bastap ulǵaıtylatyn bolady. Bul  oqytýshylarǵa jalaqyny kóterýge múmkindik beretin bolady, – dedi mınıstr.