Nurbek Sábırauly – 1990 jyly Mońǵolıa Baıan-Ólgıı aımaǵynyń Altaı sumynynda dúnıege kelgen. 

Qylyshyn qanǵa batyrǵan,

Aıdahardaı aqyrǵan.

Zamanynda qalmaqqa,

Arystan bolyp atylǵan,

Qaharman batyl qazaqpyn.

            Qarshyǵadaı qyraǵy,

            Aq kóbik shashyp pyraǵy,

            Zýlaǵanda qalmaqqa,

            Abylaı bolǵan urany,

            Qalmaqty jeńgen qazaqpyn.

Qaharman batyl ulany,

Aqıyq qustaı qyraǵy,

Zýlaǵan jebe oǵyndaı,

Astynda tulpar pyraǵy,

Qalmaqty qyrǵan qazaqpyn.

            Qamshysyn jaýǵa bilegen,

            Alladan medet tilegen.

            Zymıan jaýdyń keginen,

            Ata men ul júdegen,

            Qaıǵy da kórgen qazaqpyn.

Qanjar, qylysh asynǵan,

Aıbynyn jaýdan asyrǵan,

Zamanynda jaýlary,

Aıaǵyna bas urǵan,

Qaıratty asyl qazaqpyn.

Qara bala qamy úshin,

Alashtyń baqyt baǵy úshin.

Zar jylaǵan taptalǵan,

Analardyń ary úshin,

Qan tógis kórgen qazaqpyn.

Qurmettep dostyq paryzyn,

Atanyń aqyl, ar-izin.

Zýlaǵan jaýdyń oǵyna,

Ananyń aqtap qaryzyn,

Qarsy turǵan qazaqpyn.

Qastandyq kórip qyrylǵan,

            Aq taban bolyp shubyrǵan.

            Zamanynda náýbettiń,

            Alqymǵa jany tyǵylǵan,

            Qasiret te kórgen qazaqpyn.

Qan sasyp jazyq dalasy,

Ańyrap talaı anasy,

Zar jylap jetim jesirler,

Aýyrsadaǵy jarasy,

Qaıyspaǵan qazaqpyn.

            Qazaqpyn ádil daýyna,

            Aıbarly, qatal jaýyna,

            Zamanda beıbit mamyrjaı,

            Aq orda tigip taýyna,

            Qyr jaılaǵan qazaqpyn.

Namysyn qoldan bermegen,

Ul menen qyzyn teń kórgen.

Razy bolsa jatty da,

Baýyrymenen teńgergen.

Eńbekpen egiz jaralǵan,

Kók bóri tektes qazaqpyn.

            Batyr aqyn bı de týǵan qazaqpyn,

            Egemendi el, táýelsizbin azatpyn.

            Basqa ulttardan taǵy erekshe bir syrym,

            Durys oqy, teris oqy QAZAQ-pyn.

Arýlar – analar

Bar álemdi áldıimen terbetken,

Júrekterdi pák sezimge meńdetken.

Arýlar ol – asyl jandar, analar,

Urpaǵym dep árkez mańdaı terletken.

Arýlar ol – qyzyl gúli qyrqanyń,

Aqyndardyń bólisetin jyr tańyn.

Analar ol – ákeletin ómirge,

Ár halyqtyń batyry men sultanyn.

Arýlar ol – sulýlyqtan nár alǵan,

Bul ómirdiń qyzyǵy bop jaralǵan.

Analar ol – ardaqtysy álemniń,

Búkil álem qursaǵynan taralǵan.

Arýlar ol – ásem áýen shyrqalǵan,

Jyr bop jetken bir tańyńa bir tańnan.

Analar ol – bar baqyttyń jyrshysy,

Áldıimen búkil álem qymtalǵan.

Arýlar ol – tátti qıal, bir arman,

Sulýlyq joq asatuǵyn bulardan.

Analar ol – mahabbattyń ulysy,

Árqashan da jar bolsyn tek bir Allam.

Nurbek Sábırauly