Qazaqstanda zańsyz mıtıń kezinde 80-ge jýyq adam ustalǵan, dep jazady Qamshy.kz aqparat agenttigi. Olardyń tórteýi jaýapkershilikke tartylǵan. Bul týraly Erlan Turǵymbaev málimdedi.
Ustalǵandardyń bireýine aıyppul salynǵan. Al úsheýi ákimshilik qamaýǵa alyndy. Mınıstrdiń aıtýynsha, qamaýǵa alynǵandardyń ekeýi polıseıge qarsylyq kórsetken, al bireýi zańsyz mıtıńi uıymdastyrǵan.
– Qoǵamdyq tártipti buzýdyń aldyn alý úshin tıisti sharalar qabyldandy. Seksenge jýyq azamat polısıa organdaryna jetkizildi. Profılaktıkadan keıin barlyǵy úıine jiberildi, - dedi Turǵymbaev.
Pikir qaldyrý