Italıada koronavırýs juqtyrǵandar sany 3000-nan asyp ketti. Italıa azamattyq qorǵanys ulttyq qyzmetiniń basshysy Andjelo Borrellıdiń aıtýynsha, elde vırýstan kóz jumǵandar sany 107 adamǵa jetken. Buǵan qosa, 297-ge jýyq adam jansaqtaý bóliminde jatyr. 

Italıa úkimeti koronavırýs saldarynan beısenbiden bastap naýryz aıynyń ortasyna deıin eldegi barlyq mektepter men ýnıversıtetterdi jabý sheshimin qabyldady. Bul týraly Italıanyń bilim mınıstri Lúsıa Assolına málim etti.

Dúnıejúzilik densaýlyq saqtaý uıymynyń dereginshe, Italıa Ońtústik Koreıa men Iran sıaqty vırýs órship bara jatqan elderdiń qatarynda.

Sońǵy aqparatqan qaraǵanda, dúnıejúzi boıynsha shamamen 3200 adam koronavırýstan kóz jumǵan, 90 myńnan astam adamnan vırýs tabylǵan. Olardyń kóbi vırýs taraǵan Qytaıda tirkelgen.