Almatyda ótken Absolute Championship Akhmat 105 aralas jekpe-jek týrnıriniń basty kezdesýinde jartylaı jeńil salmaqtaǵy qazaqstandyq sportshy Arman Ospanov (9-3) reseılik Rasýl Mırzaevti (18-2) nokaýtpen jeńdi, dep jazady sport.kz.
5 raýndqa shaqtalǵan jekpe-jek alǵashqy raýndta aıaqtaldy.
Bul – Arman Ospanovtyń kásibı MMA-degi onynshy jeńisi. Rasýl Mırzaev bolsa úshinshi ret jeńilip otyr.
Kezdesýden keıin sóz alǵan sportshy o basta otanynda jekpe-jekke shyqqysy kelmegenin aıtty.
– Qarsylasyma sheksiz alǵys bildirgim keledi, ony qatty qurmetteımin. Oǵan munymen toqtama, alǵa júr, seni áli talaı jeńis tosyp tur degim keledi. Barlyq jankúıerime rahmet aıtam! Qoldaýlaryńyzǵa myń alǵys! Jankúıerler energıasy qyzdyra tústi. Basynda otanymda jekpe-jek ótkizgim kelmegen. Osy oktogonda jeńilgen kezderim de boldy. Ol kezde men brazılıalyq sportshymen shyqqanmyn. Sodan keıin Qazaqstanda kezdesý ótkizbeımin dep ózime sóz bergen edim. Ol kezde qatty tolqynysta boldym. Biraq Allaǵa shúkir, bári qoldan keldi. Komandama, uıymdastyrýshylarǵa, barlyǵyna alǵysymdy bildiremin!, – dedi Ospanov.
Pikir qaldyrý