Máselen, «Kazservise» kompanıalar odaǵy málimetine súıenseńiz, tústiktegi kórshiniń munaı óndirisinde OPEK+ ustanymyn múlde tyńdaǵysy joq. Iaǵnı, qazirgi OPEK+ kelisimi boıynsha uıym elderinen bıylǵy birinshi toqsannyń sońyna deıin munaı óndirýdiń jalpy kólemin táýligine 1,7 mln.barelge azaıtý usynylǵan.

Al Pýtın úkimeti táýligine 2,2 mln barrelden azaıtýǵa qarsy. Mundaı jaǵdaıda Máskeý tek qoldanystaǵy mámileni uzartýǵa ǵana kelisetinin, bul ustanymnyń ózgermeıtinin jetkizgen.

Eń qyzyǵy, óz dástúri boıynsha kórshiniń qabaǵyn "tanýdan" jazbaı kelgen Qazaqstan osy rette OPEK+ saıasatyn qoldaıtynyn ashyq aıtty. Bul týraly Energetıka Mınıstrligi resmı málimdeme jasap habarlaǵan bolatyn. 

"Qazaqstan OPEK+ elderimen áriptestik qarym-qatynasta jáne álemdik munaı naryǵyn turaqtandyrý saıasatyn ustanady" delingen mınıstrlik baspasóz qyzmeti habarlamasynda.

"Ustaný" demekshi, mamandary mundaı túıitkildi máselede OPEK+ elderi ýaǵdalastyqqa kelmese,  munaı baǵasy meılinshe quldyraýy múmkin ekenin aıtady.

Osylaısha, OPEK+ saıasaty Qazaqstan men Reseıdi resmı ustanym turǵysynda qaq jaryp otyr.