Koronavırýsty álem boıynsha 169 myńnan astam adam juqtyryp, onyń 6500-den astamy kóz jumdy, dep habarlady Snn. 

Jeksenbide Qytaıda vırýstyń 16 jańa jaǵdaıy rastalǵan jáne 14 adamnyń qaıtys bolǵany anyqtaldy. Elde tirkelgen ınfeksıaǵa shaldyǵýshylardyń jalpy sany 80 860-qa jetti. 

Fransıa ulttyq densaýlyq saqtaý agenttigi basshysynyń málimetinshe, elde koronavırýstan 300-ge jýyq pasıent zardap shekken, olardyń ortasha jasy – 60. Qazirgi tańda eldegi meıramhanalar, kafeler, kınoteatrlar men klýbtardy jaýyp tastady, sondaı-aq keń kólemdegi jınalystardy ótkizýge tyıym salynǵan.

15 naýryzdaǵy derek boıynsha Italıada 24 saǵat ishinde 368 adamnyń qaıtys bolǵany habarlandy. Jalpy munda kóz jumǵandar sany 1809-ǵa jetken. Azamattyq qorǵanys departamentiniń málimetinshe, vırýstan aýyrǵandardyń jalpy sany 24 747 bolǵan, 24 saǵat ishinde 3590 jańa jaǵdaı tirkelgen. 

AQSH-ta sońǵy táýlikte kem degende 3485 oqıǵa tirkelip, olardyń 65-i ólimmen aıaqtaldy. AQSH-tyń vıse-prezıdenti Maık Pens "jańa nusqaýlar dúısenbide shyǵady, máselen  meıramhanalar sıaqty oryndar jabylatyn bolady" dep aıtty. Vırýs taralmaýy úshin AQSH-ta birneshe shtat pen qala jabyldy.