Jambyl oblysynyń ákimi Berdibek Saparbaev Taraz dárihanalaryn dezınfeksıalyq quraldarmen jáne medısınalyq maskalarmen qanshalyqty qamtamasyz etilgenin tekserdi. Bul týraly aımaq basshysynyń baspasóz qyzmeti habarlady.

– Jambyl oblysynyń ákimi Berdibek Saparbaev Taraz sýpermarketterindegi áleýmettik mańyzy bar azyq-túlik taýarlarynyń baǵalaryn tekserip, qaladaǵy birneshe dárihanalarda boldy. Dezınfeksıalyq quraldar men medısınalyq maskalar bar, biraq olardyń quny negizsiz joǵary, – dep túsindirdi aımaq basshysynyń baspasóz qyzmeti.

Oblystyń densaýlyq saqtaý departamenti málimetinshe, aımaqta koronavırýstyń jańa modıfıkasıasynyń taralýyn boldyrmaý úshin aldyn-alý sharalary kúsheıtilýde.

Sondaı-aq oblystyq balalar juqpaly aýrýlar emhanasynda juqpaly aýrýlar bóliminde naýqastardy qabyldaý jáne gospıtalızasıalaý úshin 500-den astam tósek daıyndaldy, qosymsha 300-den astam tósek ornalastyrylady. Barlyq medısınalyq uıymdar jeke qorǵanys quraldarymen, vırýsqa qarsy preparattarmen jetkilikti túrde qamtamasyz etilgen. Dárigerlerge belgisiz pnevmonıanyń dıagnostıkasy, emi jáne aldyn-alý boıynsha konsýltasıalyq semınarlar ótkizildi.