Fılıppınde koronavırýs erejelerin buzǵany úshin bir er adam atyldy, dep jazady aljazeera.com. Elde polısıanyń koronavırýspen kúreske qatysty shekteýlerdi saqtamaǵany úshin bir azamatty atyp óltirgeni týraly habarlandy.

– 63 jastaǵy er adam koronavırýs shekteýi kezinde aýyl sheneýnikteri men polısıaǵa qarsylyq kórsetkennen keıin oq atyldy, – dep habarlady polısıa.

Polısıanyń habarlaýynsha, atylǵan adam mas bolǵan. Fılıppınniń Agýsan-del-Norte provınsıasyndaǵy Nasıpıt qalasyndaǵy baqylaý beketi mańynda aýyl bıligi men polısıa qyzmetkerleriniń jumysyna kedergi jasaǵan dep túsindirdi resmı bılik ókilderi.

– Aýyl dárigeri kúdiktige betperde kımegenin eskertti. Biraq kúdikti ashýlanyp, arandatatyn sózder aıtyp, aqyry qyzmetkerlerge shabýyldady, – delingen habarlamada.

Bul oqıǵa Fılıppın prezıdenti karantın erejesin buzǵandardy atatynyn jarıalaǵannan bergi alǵashqy atyp óltirilgen jaǵdaı bolyp tirkeldi.