BUU Pandemıa dúnıejúzilik azyq-túlik jetispýshiligi qaýipin tóndirýi múmkin dep dabyl qaǵýda, dep jazady CNN.

Shekaralardyń jabylýy, qozǵalystyń shektelýi, tasymaldaý jáne avıasıa salalaryndaǵy úzilister álemdik azyq-túlik óndirisi men taýar tasymalyn qıyndatty.

Koronavırýs jahandyq deńgeıde bıznesterdi toqtatyp, tipti keıbir kásiporyndarǵa bankrot bolý qaýpi týdy, oǵan qosa ónimder jetkizý tizbeginen úzilip, azyq-túlik jetispeý qaýpi týýy múmkin.

Bul balama azyq-túlikpen qamdaý kózderi az elderge úlken qater tóndiredi.

BUU-nyń Dúnıejúzilik azyq-túlik qaýipsizdigi jónindegi komıtetiniń dereginshe, búkilálemdik azyq-túlik qaýipsizdiginiń turaqsyzdyǵy tabysy tómen azamattarǵa qatty áser etedi.

– Úkimetter, bıznes, azamattyq qoǵam jáne halyqaralyq agenttikter pandemıanyń álemdik azyq-túlik jáne gýmanıtarlyq daǵdarysqa aınalýynyń aldyn alý úshin shuǵyl jáne ózara kelisilgen is-qımyl jasaýy kerek, – dep BUU-da ashyq hat jarıalanǵan álem kóshbasshylaryna.