Almatyda búginde 42 500 teńge áleýmettik járdemaqyny 361 548 adam alǵan. Olarǵa jalpy 15,4 mlrd teńge berilgen. Bul týraly onlaın brıfıń barysynda qalalyq Áleýmettik ál-aýqat basqarmasynyń basshysy Rahat Shımasheva aıtty.

Onyń aıtýynsha, jalpy ótinish bildirgenderdiń sany - 830 315 adam. Budan bólek Almatyda tótenshe jaǵdaı rejımi kezinde 62 myńǵa jýyq azamatqa áleýmettik kómek berilgen. Bul kómekti alǵandar qatarynda İ, İİ jáne İİİ toptaǵy múgedekter, otbasynda múgedek bala tárbıelep otyrǵandar, ataýly áleýmettik kómek alyp otyrǵan otbasylar, jumyspen qamtý ortalyǵynda esepte turǵan azamattar bar.

– Ózderińiz bilesizder Nur Otan partıasynyń bastamasymen BizBirgemiz jobasy aıasynda 50 myń teńge kóleminde qarjylaı qoldaý kórsetilip jatyr. Ony 23 myńnan astam qala turǵyny aldy, endi ekinshi kezekte taǵy 29 myńnan astam adam osy kómekti alady. «Jańa Alataý» qorynyń qoldaýymen 10 243 adamǵa azyq-túlik qorjyny berildi. Bul jumys jalǵasa beredi, – dedi Rahat Shımasheva.