AQSH Prezıdenti Donald Tramp búgin tańerteń tvıtter paraqshasynda AQSH-qa ımmıgrsıany ýaqytsha toqtata turý týraly buıryqqa qol qoıǵysy keletinin jazdy.

«Kózge kórinbeıtin dushpandardyń shabýyly sebebinen, sondaı-aq bizdiń ULY amerıkandyq azamattardyń jumys oryndaryn qorǵaý qajettiligi úshin» osylaı jasamaq ekenin jazdy. Mundaı tyıym AQSH tarıhynda buryn-sońdy bolmaǵan. Alaıda, onyń qalaı júzege asyrylatyny týraly egjeı-tegjeıli aıtqan joq.

AQSH prezıdentiniń jazbasynyń astynda keıbir pikir jazýshylar onyń bul oıyn qoldaıtynyn aıtsa, keıbiri qarsy pikir jazyp, synaǵan.

"IÁ! Bul amerıkandyq jobalardy qorǵaıdy!
Osy kezde demokrattar bizdiń salyqtarymyzdy zańsyzdarǵa berip jatyr" dep jazǵan Joey Saladino esimdi tvıtter qoldanýshy.

Tom Fitton esimdi qoldanýshy bolsa "Bul bizdiń halqymyz úshin tarıhı sheshim jáne qajetti qorǵaý @realDonaldTrump" dep jazǵan.

Al, John Pavlovitz esimdi tvıtter qoldanýshy "
Sizdiń ótirikterińiz ben biliksizdigińizden kóz jumǵan  42,000 ULY amerıkandyqtar nemese 800,000 aýyrǵan adamdar she? vırýstyń tómendeýine deıin nemese bizde testter jetkilikti bolǵanǵa deıin, ekonomıkany qaıta ashýǵa ıtermelegendikten aýyryp, óletin adamdar týraly she?" dep AQSH prezıdentin synaǵan.