"Qytaı koronavırýstyń órshýine jol berdi nemese ádeıi taratty" degen aqparattarǵa Brússel tosqaýyl qoımasa, onyń saldary aýyr bolatynyn eskertken Beıjińniń áreketin Batys baspasózi jarysa jazdy. Bul jaıynda Qamshy tilshisi The New York Times Post-qa silteme jasap habarlaıdy. 

Beıjińniń joǵary laýazymdy sheneýnigi eýropalyq áriptesterine baılanysqa shyǵyp, "Qytaıdyń koronavırýstyń órshýine jol bergeni" týraly nemese «jahandyq jalǵan aqparat propagandasyn taratty» dep aıyptaǵan baıandama-maqala jarıalanatyn bolsa, bul «yntymaqtastyǵymyz úshin óte jaman» dep qatań eskertken.

Eýropalyq Odaqtyń taǵy bir dıplomatynyń aıtýy boıynsha, Qytaıdyń joǵary laýazymdy qyzmetkeri sol kúni Beıjińdegi eýropalyq sheneýniktermen habarlasyp, «eger jarıalanbaq bolǵan baıandama Qytaıdy synaıtyn bolsa jáne maqala sol kúni shyǵarylsa, yntymaqtastyq úshin óte jaman bolady» dep eskertken.

Eýroodaqtaǵy tórt dıplomatıalyq aqparat kóziniń aıtýynsha, negizinde Reuters aqparattyq agenttigine "21 sáýirde maqala beriledi" dep habarlanǵan, biraq qytaı sheneýnikteri baılanysqa shyqqan soń, keıinge shegerilgen. Oǵan qosa, jarıalanatyn aqparattyń bir bólimi alynyp tastalǵan. 

Bul týraly batystyq BAQ "Qytaı endi Eýroodaqqa qaýip tóndirdi" dep jarysa jazdy.