Reseı premer-mınıstri Mıhaıl Mıshýstın koronavırýs juqtyrdy. Bul týraly Qamshy tilshisi BBC-ge silteme jasap habarlaıdy.

Vıdeo rejıminde ótken kezdesý barysynda Mıshýstın: "Men oqshaýlanyp, dárigerlerdiń buıryǵyn oryndaýym kerek. Bul meniń áriptesterimdi qorǵaý úshin qajet" dedi.

Premer-mınıstrdiń birinshi orynbasary Andreı Beloýsov Mıshýstınniń mindetin ýaqytsha atqarady.

54 jastaǵy Mıhaıl Mıshýstın qańtarda premer-mınıstr bolyp taǵaıyndalǵan.

Reseı ekonomıkaǵa kelgen zardaptardy ońaltyp, bızneske kómektesý úshin oqshaýlaý shekteýlerin jeńildetý týraly máseleni qarastyrýda.

Elde oqshaýlaý sharalary búgin aıaqtalýy kerek bolatyn, biraq eldiń aldaǵy josparlary týraly áli eshteńe aıtylǵan joq.

Seısenbi kúni Pýtın reseılikterdi úıde bolýǵa shaqyra otyryp, sharalar taǵy eki aptaǵa sozylýy múmkindigin málimdegen.