Almatyda koronavırýstyq ınfeksıany juqtyrýdyń jańa 27 jaǵdaıy tirkeldi. Olardyń barlyǵy – medısına qyzmetkerleri. Bul týraly qala ákimdiginiń baspasóz qyzmeti habarlady.

Jalpy qala boıynsha COVID-19 ınfeksıasyna shaldyqqan 172 naýqas bar.

Bul týraly Almaty qalasy Qoǵamdyq densaýlyq saqtaý basqarmasynyń basshysy Tileýhan Ábildaev onlaın rejımde ótken brıfıńte málimdedi.

Búgin anyqtalǵan 27 naýqastyń altaýy er adam bolsa, 21-i áıel adam. Eskerte keteıik, aralarynda bir júkti áıel bar.

– Medısına qyzmetkerleriniń jaı-kúıine toqtalsam: eki adamnyń jaǵdaıy polısegmentti pnevmonıalaryna baılanysty – aýyr bolsa, qalǵan adamdardyń barlyǵynda – qanaǵattanarlyq, – dedi spıker.

Koronavırýs anyqtalǵan 20 qyzmetker shuǵyl medısınalyq kómek kórsetýdi jalǵastyrǵan Qalalyq ortalyq klınıkalyq aýrýhana qyzmetkerleri. Al qalǵan 7 adam bolsa, bular 4 sáýirdegi alǵash ret tapsyrǵan testileri teris nátıje kórsetken Balalar juqpaly aýrýlar aýrýhanasynyń dárigerleri. Ádette, bular ártúrli patologıasy bar naýqastar bolǵandyqtan, olardyń arasynda aýrý belgileri kórinbegenderi de bolýy múmkin, sáıkesinshe, bul dárigerlerdiń vırýs juqtyrýyna sebep bolýy múmkin. Atalǵan fakti boıynsha qazir epıdemıologıalyq tekserýler júrgizilýde.

Qazir medısına qyzmetkerlerin tekserip-qaraý boıynsha barlyq sharalar qoldanylýda dedi basqarma basshysy. Budan basqa, barlyq qalalyq klınıkalardyń ishinde qyzmetkerlerdi koronavırýsqa mindetti túrde tekserip-qaraýmen epıdemıaǵa qarsy is-sharalar kúsheıtildi dedi.

Aıta keteıik, qazirgi ýaqytta ınfeksıalyq stasıonarda jalpy 122 adam emdelýde. Olardyń ishinde 89 naýqastyń jaı-kúıi – qanaǵattanarlyq bolsa, 8 adamnyń jaǵdaıy – aýyr, 25 eresek adamda (1 oblystyq) – aýyrlyqtyń ortasha dárejesi dep baǵalanǵan. Em alýshylar arasynda 3 júkti áıel bar.

47 eresek adam jáne 2 bala saýyǵyp shyqsa, eki adam ınfeksıadan qaıtys boldy.

Provızorlyq ortalyqtarda 186 adam bar, onyń ishinde 10-y bala. Karantındik oqshaýlaýda – 426 adam, al úı karantıninde – 6199 adam otyr.