Qazaqstan munaı óndirýdi táýligine 390 myń barelge qysqartady. Bul týraly qala ákimdiginiń baspasóz qyzmeti habarlady.

12 sáýirde OPEK+ kelisimine qatysýshy elderdiń mınıstrlikteriniń vebınary barysynda OPEK+ elderiniń, sondaı-aq OPEK+ quramyna kirmeıtin elderdiń munaı óndirýi táýligine 9,7 mln barelge ujymdyq qysqartý týraly kelisimde konsensýsqa qol jetkizildi.

Bul álemdik munaı ındýstrıasy tarıhynda munaı óndirisin eń úlken ujymdyq qysqartýdyń biri. Qazaqstan óz kezeginde kelisimdegi konsensýsqa qoldaý kórsetip, táýligine 390 myń barelge óndirýdi qysqartý mindetin óz moınyna aldy.

Mundaı sheshim birinshi kezekte munaı naryǵynda ǵana emes, búkil álemde qalyptasqan kúrdeli jaǵdaıdan týyndaıdy.

Koronavırýs pandemıasyna baılanysty barlyq elderde munaıǵa degen suranys kúrt tómendedi, sondyqtan OPEK hatshylyǵynyń óndirýdi ujymdyq qysqartý týraly usynysy oryndy jáne ýaqtyly sheshim bolyp sanalady.

Eger OPEK+ mámilesi jasalmasa, munaı óndirýshi elder kez-kelgen jaǵdaıda óndiristi qysqartatyn edi, óıtkeni naryqtyń barlyq oıynshylarynyń aldynda turǵan problema saqtaý qoımalarynyń tolyp ketýi, sondaı-aq búgingi tańda álemde munaı kóp bolǵandyqtan, suranystyń bolmaýy.

OPEK+ mámilesiniń arqasynda óndiristiń qysqarýy ujymdyq, baqylanatyn bolady jáne naryqqa oń serpin beredi, bul sarapshylardyń pikirinshe, munaı baǵasynyń ósýine oń áser etedi, sondaı-aq saqtaý qoımalaryndaǵy munaıdyń tolyp ketýi máselesin sheshedi.

Energetıka mınıstrligi qazirgi ýaqytta munaı óndirisin qysqartý senarıin ázirleýde.