Qazaqstanda koronavırýs indetin juqtyrǵan taǵy 36 jaǵdaı tirkeldi jáne 1 adam kóz jumdy. Bul týraly densaýlyq saqtaý mınıstrligi habarlady.

Qaýipti indetten qaıtys bolǵan naýqas Shymkent qalasynyń turǵyny.

Áıel adam 1942 jyly Shymkent qalasy, Abaı aýdanynda týǵan.

78 jastaǵy naýqas 27 sáýir kúni JRVI, pnevmonıa dıagnozymen jedel járdem qyzmeti arqyly qalalyq juqpaly aýrýlar aýrýhanasyna jetkizilgen.

Naýqastan zerthanalyq synama alynyp, PTR dıagnostıkalyq zertteý qorytyndysymen COVID-19 dıagnozy naqtylandy.

29 sáýir kúni azamatsha jansaqtaý bólimine jatqyzylyp, jaǵdaıynyń aýyrlyǵyna baılanysty IVL apparatyna qosylǵan.

Naýqastyń qosalqy aýrýlary: 3-shi dárejeli arterıaldyq gıpertenzıa, óte joǵary toby, sozylmaly bronhıt.

Naýqas emdeý hattamasyna sáıkes, qajetti em sharalary júrgizilip, respýblıkalyq mamandarmen birneshe ret keńes ótkizilgen.

Júrgizilgen reanımasıalyq is-sharalarǵa qaramastan, 3 mamyr kúni, saǵat 10:20-da naýqas qaıtys boldy.