Las-Vegastaǵy Metropolıten polısıa departamenti "polısıa ofıseri Sırk qonaq úıi men Kazıno mańynda atylǵan" dep habarlaǵan. Bul týraly Qamshy tilshisi brıtanıalyq Daliy Star basylymyna silteme jasap habarlaıdy.

Derekkózderdiń aıtýynsha, narazylyq aksıasy kezinde bireý myltyq atqan. Ofıserler qaıtarma oq atyp, atys bastalǵan. "Atysta bir polısıa qyzmetkeri basynan oq tıip óldi" dep habarlandy.

Aıta keteıik, Amerıka Qurama Shtattarynda qara násildi jigit polısıa qolynan qaza tapqannan keıin narazylyq aksıalary bastalǵan. 46 jastaǵy afroamerıkalyq Djordj Floıd aq násildi polıseıdiń tizesiniń astynda toǵyz mınýt boıy bastyrylyp jatyp qaıtys bolǵan.

Oqıǵaǵa baılanysty narazylyq sherýleri Amerıkada ǵana emes, Anglıa, Fransıa sıaqty Eýropa elderinde de bolyp jatyr.