AQSH-taǵy aýrýlardy baqylaý jáne aldyn alý ortalyqtarynyń (CDC) mamandary qoldy dezınfeksıalyq quralmen jıi jýýdyń densaýlyqqa zıan ekeni málim etti. 

Sońǵy kezderi halyqtyń klınıkalar men toksıkologıalyq ortalyqtarǵa kelýi jıilep ketken. Adamdar sirke sýy, amıak eritindisi sıaqty ýly dezınfeksıalyq quraldardy qoldanǵannan keıin densaýlyǵynyń nasharlaǵanyn aıtyp shaǵymdanǵan.

Sheteldik mamandarynyń 502 adamǵa júrgizgen saýalnamasynyń qorytyndysy boıynsha qoldy birneshe ret dezınfeksıalyq quralmen jýǵan 11 paıyz adamnyń jutqynshaǵy isip, 8 paıyzynyń terisi qabynyp, basy aınalǵan, ne basy aýyrǵan. Qalǵan naýqastardyń júregi aınyp, tynys alýy qıyndaǵan.

CDC mamandary qol jýý vırýstyq aýrýlar úshin eń jaqsy profılaktıka dep tujyrymdaıdy. Degenmen dezınfeksıalyq quraldar vırýstardan qorǵanymen, ony qoldanýdyń aldynda nusqaýlyqty oqyp, deneniń ashyq jerlerine abaı bolý kerek deıdi zertteý avtorlary.