Dúnıejúzilik densaýlyq saqtaý uıymynyń bas dırektory Tedros Gebreıesýs koronavırýs ınfeksıasynyń órship bara jatqany týraly málimdeme jasady.
– DDSU 7 mıllıon adamnyń ınfeksıa juqtyrǵanyn, 400 myń adamnyń osy indetten qaza tapqanyn anyqtady. Jaǵdaı eýropada turaqtala bastaǵanymen álemdik deńgeıde aýyzdyq bermeı tur. On kún ishinde 100 myń adamnan ınfeksıa tabylǵan. Keshe álemde táýliktik rekord jańartylyp, 136 myń adamnyń koronavırýs juqtyrǵany belgili boldy, – dedi ol.
Onyń aıtýynsha, 136 myń naýqastyń 75 paıyzy Amerıka men Ońtústik Azıadaǵy 10 elge tıesili.
– Afrıka elderinde koronavırýs ınfeksıasynyń taralýy kúsheıip keledi. Sonymen qatar, Shyǵys Eýropa men Ortalyq Azıa elderinde jaǵdaı ýshyǵa bastaǵanyn kórip otyrmyz, – dedi DDSU dırektory.
Álemde koronavırýs ınfeksıasyn 6 931 000 adam juqtyryp, 400 857 adam qaza tapqan.
Pikir qaldyrý