QR Bas prokýratýrasy da “Beıbit jınalystar týraly” Zań talaptaryn, sondaı-aq karantındik sharalardy múltiksiz saqtaý qajettigi týraly azamattarǵa eskertti. Sondaı-aq olardy arandatýshylyqtarǵa boı aldyrmaýǵa jáne zańsyz narazylyq aksıalaryna qatyspaýǵa shaqyrdy.

Karantın rejımin qatań saqtaý qajettigi týraly eskertýlerge qaramastan, Qazaqstannyń keıbir qalalarynda 2020 jylǵy 6 maýsymda jekelegen azamattar zańsyz mıtıńiler ótkizýge áreket jasady.

Prokýratýra jáne jergilikti atqarýshy organdardyń ókilderi jınalǵandarǵa olardyń is-áreketteri zańsyz bolyp tabylatynyn túsindirdi. Alaıda, birqatar turǵyndar zańdy talaptarǵa baǵynbady.

Sondyqtan İshki ister organdary qoǵamdyq tártip pen azamattardyń qaýipsizdigin qamtamasyz etý boıynsha tıisti sharalar qabyldady. Karantındik shekteýler men zań talaptaryn buzǵandar is-áreketterin toqtatýdan bas tartty. Sol sebepti olarmen profılaktıkalyq jumys júrgizý jáne is-áreketterine quqyqtyq baǵa berý úshin birneshe adam polısıaǵa jetkizildi.

Jalpy, polısıaǵa 53 adam jetkizilse, onyń segizi ákimshilik jaýapkershilikke tartyldy, olardyń jeteýine aıyppul salyndy, bir adamǵa eskertý jasaldy. Bılik ókiline qarsy kúsh qoldanyp, til tıgizgen eki tártip buzýshyǵa qatysty sotqa deıingi tergeý júrgizilýde. Qalǵan adamdar profılaktıkalyq áńgimelesýden keıin úılerine jiberildi" delingen mınıstrlik málimdemesinde.