Birneshe saǵat buryn Nú-Iork qalasy Brýklındegi ártúrli aýdandarda úsh atys bolyp, jeti adam jaralanǵan. Bul týraly Qamshy tilshisi The New York Post basylymyna silteme jasap habarlaıdy. 

– Myltyqpen atys Beınbrıdj kóshesinde jergilikti ýaqytpen 22:40 shamasynda bastalǵan, – dep jarıalady polısıa qyzmetkerleri.

Bılik ókilderi 27 jáne 34 jastaǵy eki er adamnyń aıaǵyna oq tıgenin málimdedi. Olar Kıngs Kaýntı aýrýhanasyna jetkizilgen jáne tiri qalady dep kútilýde.

Bes mınýttaı ýaqyt ótkennen keıin "35 jastaǵy er adam Flatbýsh dańǵylynda atyldy" degen taǵy bir habar kelip tústi.

Ol da Kıngs Kaýntı aýrýhanasyna jetkizildi jáne aman qalady dep kútilýde.

Sońǵy atys túngi saǵat 10:50 shamasynda bolǵan. Atystan tórt adam jaralǵanǵan. "Bir áıel jáne úsh er adam Brıstol kóshesindegi atys kezinde jaraqat alǵan" dep málimdegen bılik ókilderi men kýágerler.

– 23 jastaǵy áıeldiń jaǵdaıy óte aýyr, al 17, 35 jáne 50 jastaǵy er adamdardyń barlyǵy ómirge qaýip tóndiretin jaraqat alǵan, – deıdi polısıa qyzmetkerleri.

Basylymnyń jazýynsha, ótken dúısenbiden jeksenbige deıin qalada 40 atys deregi jáne 13 kisi óltirý oqıǵasy bolǵan.