«Elbasy medali» belsendi jáne talapty jastardy qoldaýǵa baǵyttalyp otyr. Oǵan «Tuńǵysh Prezıdent» qory qoldaý kórsetýde. Bul týraly SHQO aqparattyq ortalyǵynda ótken brıfıń barysynda bilim basqarmasynyń basshysy Saırangúl Jumadilova málim etti.
- «Elbasy medali» jobasyna qatysýshylarǵa jeti baǵyt usynylady. Atap aıtsaq, «Sport jáne dene shynyqtyrý», «Kitap oqý», «Daryn men daǵdy», «Ulttyq mura», «Eriktilik», «Týrısik saıahattar» jáne «Eńbek tájirıbesi». Baǵdarlamany ázirleý barysynda úzdik álemdik tájirıbe qoldanyldy. Baıqaýdyń sharty boıynsha oǵan 14 pen 29 jas aralyǵyndaǵy azamattar qatysa alady, - dedi Saırangúl Jumadilova.
Basqarma basshysynyń aıtýynsha, «Elbasy medalin» árbir qazaqstandyq jas býyn ıelene alady. Baǵdarlamaǵa qatysý úshin me.fpp.kz onlaın platformasyna tirkelip, usynylǵan «altyn», «kúmis» nemese «qola» baǵyttaryn tańdaý kerek.
- Qatysýshylar tálimgerdiń kómegimen jeke damý baǵdarlamasyn jasaıdy. Tipti oǵan múmkindigi shekteýli jandar da qatysa alady, - dedi Saırangúl Jumadilova.
Baǵdarlamaǵa sáıkes eriktilerdiń qyzmeti, Memleket basshysynyń Volonter jylynyń ashylýynda aıtqan mindetterine sáıkes bolady. Brıfıńke qatysqan basqarma basshysy osylaı dedi.
- Medal ıegerleriniń upaılary teń bolǵan jaǵdaıda QR zańnamasynda belgilengen tártippen bilim grantyn jáne oblys ákiminiń grantyn alýǵa tolyq quqyǵy bar. Árıne, bul - jaǵymdyq jańalyq. Bizdiń oblysta da «Elbasy medali» baǵdarlamasyn damytýǵa barlyq jaǵdaı jasaldy. Oǵan aımaq basshysy Danıal Ahmetov qoldaý kórsetip otyr. Búginde bul jobaǵa qatysýǵa 438-den astam shyǵysqazaqstandyq ótinish bildirdi. Aldaǵy ýaqytta olardyń sany artady dep senemiz, - dedi Saırangúl Jumadilova.
Brıfıń barysynda «Elbasy tósbelgisi» jobasynyń óńirlik úılestirýshisi Rınat Shákirtov pen joba tálimgeri Aıgúl Ermekqyzy sóz alyp, jobanyń máni men mańyzyn túsindirdi.
