1952 jylǵy Jańaózen turǵyny koronavırýstan qaıtys boldy, dep habarlaıdy Mańǵystaý oblysynyń qoǵamdyq komýnıkasıalar ortalyǵy. 

Ol ózin álsiz sezinip dene qyzýy kóterilgen soń dárigerlerge habarlasqan. Zeınetker 8 maýsym kúni aýrýhanaǵa túsedi. 12 kún boıy dárigerler naýqastyń ómirin aman alyp qalý úshin kúresti. Arnaıy komısıa músheleri marqumnyń Covid-19-dan qaıtys bolǵanyn rastady.

Bıyl pandemıa bastalǵaly 3 aıdyń ishinde COVID-19 ınfeksıasyn juqtyrǵan 60 adam Jańaózen qalalyq kópbeıindi aýrýhanasynda emdelip shyqty. Olardyń basym bóligi Jańaózen qalasynyń turǵyndary, arasynda Qaraqıa aýdanynyń azamattary da bar. 

21 maýsymdaǵy jaǵdaı boıynsha Jańaózen qalalyq kópbeıindi aýrýhanasynyń ınfeksıalyq gospıtalinde 9 naýqas koronavırýstan emdelip jatyr. Dárigerlerdiń málimeti boıynsha ekeýiniń jaǵdaıy aýyr, 7 naýqastyń jaǵdaıy ortasha aýyr.