SHQO ádilet departamenti turǵyndarǵa tegin zańgerlik keńes berý maqsatynda 175 qorǵaýshymen kelisimshartqa otyrdy. Bul týraly Shyǵys Qazaqstan aımaqtyq komýnıkasıalar qyzmetinde ótken brıfıń barysynda atalmysh departament basshysynyń orynbasary Aıdyn Amırhanov málim etti.
Esterińizge sala keteıik, 2014 jyldan beri Ádilet mınıstrligi «Qorǵaýshylardyń zańgerlik kómek kórsetýi» atty biryńǵaı ákimshilik búdjet baǵdarlamasyn qolǵa alǵan bolatyn.
- Josparǵa sáıkes 2020 jyly tegin zańgerlik kómek kórsetý maqsatynda respýblıkalyq búdjetten 147 mln 421 myń teńge bólindi. Aǵymdaǵy jyl basynan beri 2676 azamatqa tegin zańgerlik keńes berildi, - dedi Aıdyn Amırhanov.
Brıfıń barysynda departament basshysynyń orynbasary elimizde jarıalanǵan tótenshe jaǵdaı kezinde turǵyndarǵa WhatsApp, Telegram, Instagram, Facebook jelileri arqyly aqysyz qyzmet kórsetilgenin atap ótti. Sondaı-aq osy ýaqyt aralyǵynda 28 sot isi ótkizilip, 11 beıne rolık pen tikeleı efırler júrgizilgenin aıta ketken oryndy.
Pikir qaldyrý