"Nursultan Nazarbaevtyń qanynan koronavırýsqa qarasy vaksına jasalady" degen aqparat taratqan "Panorama" deıtin reseılik satıralyq saıt Qazaqstanda buǵattalyp qaldy. Qazir el aýmaǵynan bul saıt ashylmaı tur.

QazTAG agenttiginiń jazýynsha, saıtty tek VPN quraldary arqyly ashýǵa bolady.

"Panorama" saıty Qazaqstannnyń eks-prezıdenti Nazarbaevtyń qanynan koronavırýsqa qarasy vaksına jasalady degen aqparatty 2 shilde kúni jarıalaǵan.

Al keshe, 3 shilde Qazaqstan aqparat jáne qoǵamdyq damý mınıstrligi satıralyq saıt jarıalaǵan aqparatty joqqa shyǵarǵan.

Qazaqstandy 30 jylǵa jýyq úzdiksiz bılegen 80 jastaǵy Nursultan Nazarbaev 18 maýsymda koronavırýs juqtyrǵan. Arada 14 kún ótken soń, 2 shildede onyń jazylyp shaqqany habarlandy.