Almaty ákimi Baqytjan Saǵyntaev COVID-19 taralýyn boldyrmaý úshin 5 shildeden bastap qalada qatań shekteý sharalar engiziletinin habarlady. Bul týraly ol Facebook paraqshasynda jazdy.
– 5 shildeniń tún jarymynan qaladaǵy sanıtarlyq-epıdemıologıalyq jaǵdaıdy turaqtandyrý maqsatynda shekteý sharalaryn engizemiz. Birqatar uıymdardyń, saýda jáne qyzmet kórsetý nysandarynyń jumystary eki aptaǵa toqtatylady. Olardyń tizimimen resmı saıtta jarıalanǵan qalanyń memlekettik bas sanıtarlyq dárigeriniń qaýlysynan oqyp, bilýge bolady. Jumys isteýge ruqsat etilgenderdiń sanıtarlyq normalardy saqtaýlary qatań baqylaýǵa alynady. Búgin biz densaýlyq saqtaý júıesiniń materıaldyq tehnıkalyq bazasyn kúsheıtýdi jalǵastyrýdamyz, – dedi shahar basshysy.
Osylaısha ol provızorlyq jáne qarantındik ortalyqtardy keńeıtip, medık mamandardy daıyndap jatqanyn atap ótti.
– Bizdiń dárigerlerge óte úlken salmaq túsýde. COVID-19-ben aýyrǵan naýqastar sany artýda. Sondyqtan árbir almatylyqtyń qarym-qatynasty, baılanysty barynsha shekteýi óte mańyzdy. Ózin-ózi oqshaýlaý men sanıtarlyq normalardy qatań saqtaý – ómir súrýdiń basty erejesine aınalýda. Eki aptadan soń jumys jasaýdy uzartý nemese toqtaý týraly sheshim qabyldanady. Osynaý ýaqytsha qıyndyqty jeńý úshin sanalylyq pen jaýapkershilik tanytatynymyzǵa senemin, – dedi Saǵyntaev.
Pikir qaldyrý