Brıtanıalyq "Deılı Ekspresc" basylymynyń aqparatynsha, Tramptyń ıadrolyq qaýpi Reseımen aradaǵy qaıshylyqtyń negizgi "biltesi" bolýy múmkin. 

Basylymnyń jazýynsha, sheteldik qorǵanys mamandary "AQSH prezıdenti Donald Tramptyń Germanıadan Polshaǵa ıadrolyq qarýlardy kóshirý týraly qaýip-qateri Reseımen qarym-qatynastaǵy mańyzdy qadam" dep málimdep, bul qadamnyń Máskeýge ıadrolyq qaýip retinde qarastyrylatynyn eskertken. 

Tramp Berlındi NATO-ǵa tólegen tólemderine baılanysty aıyptaǵannan keıin 9,500 áskerdi Germanıadan shyǵardy.

Amerıkanyń Polshadaǵy elshisi Djordjett Mosbaher Germanıada ornalasqan ıadrolyq zymyrandardy kóshirý týraly "Óziniń ádil úlesin tóleıtin, qaýip-qaterdi túsinetin jáne NATO-nyń shyǵys qaptalynda turǵan Polsha bul múmkindikterge ıe bolýy múmkin" dep málimdegen. 

KSRO-nyń quramynda bolǵan Polshada mundaı qadam qarama-qaıshylyqty jaǵdaıdy týyndatýy yqtımal.

Brıtanıalyq jáne amerıkalyq aqparattyq jáne qaýipsizdik keńesiniń (BASIC) birlesken dırektory Marıon Messmer "Eýropalyq kontekstegi strategıalyq qaterlerdi tómendetý" dep atalatyn jańa baıandamasynda óziniń alańdaýshylyǵyn jarıalaǵan. Onda ol Eýropadaǵy qaqtyǵystardyń jańa qaýpi týraly eskertý jasaǵan.

– Eger Tramp ákimshiligi ıadrolyq qarýlardy Germanıadan Polshaǵa kóshirer bolsa, Eýropa men Reseı qaıshylyqtary órshýi múmkin, óıtkeni bul Reseı- NATO aktisin buzý bolyp esepteledi, – dep málimdegen.