"Koronavırýstyń órshýi álemdegi keıbir elderdegi ashtyq daǵdarysyn odan saıyn kúsheıtti. Pandemıanyń áleýmettik jáne ekonomıkalyq saldaryna baılanysty ashtyqtan kún saıyn 12000 adam qaıtys bolýy múmkin" dep málimdedi beısenbi kúni Oksfam gýmanıtarlyq toby. Bul týraly BBC habarlady.

Uıymnyń esebinshe, jappaı jumyssyzdyq, azyq-túlik óndirisiniń toqtaýy jáne pandemıa saldarynan kórsetiletin kómektiń tómendeýi osy jyly shamamen 122 mıllıon adamdy ashtyqqa ákelýi múmkin.

Oksfam Dúnıejúzilik Azyq-túlik baǵdarlamasyna silteme jasaı otyryp,  ashtyq daǵdarysyn bastan keshiretin adamdardyń sany osy jyldyń sońyna deıin 270 mıllıonǵa jetetinin málimdedi.

Aıta keteıik, mamyr aıynda BUU asharshylyq bolýy múmkin elderdi ataǵan bolatyn. BUU "koronavırýs kóptegen elderde asharshylyq týǵyzýy múmkin" dep málimdep, oǵan syrtqy qaryzy kóp, shıkizat eksportyna táýeldi jáne halyqaralyq ınvestorlar ketip jatqan "álsiz elder" kiretinin jarıalaǵan.